Ekstra wiskundeklasse · Graad 8–12 · Pretoria-Oos

Eers begrip.
Dan selfvertroue.

Rustige, doelgerigte wiskundeklasse in klein groepies. Nie net om antwoorde reg te kry nie, maar om begrip, selfvertroue en volgehoue denkvaardighede te bou, teen elke leerder se eie tempo.

WhatsApp my Klasse en fooie

“The essence of mathematics is not to make simple things complicated, but to make complicated things simple.”

S. Gudder

Oor my

Hallo, ek is Elize.

Ek het 'n passie vir wiskunde, en vir die begeleiding van leerders wat soms onseker of oorweldig voel deur die vak. Oor die jare het ek geleer dat sukses in wiskunde nie net oor vermoë gaan nie, maar oor begrip, geduld en volgehoue oefening.

Vir my bly dit 'n voorreg om saam met leerders te werk, hulle te sien groei in selfvertroue, en hulle te help om sin te maak van konsepte wat aanvanklik moeilik of intimiderend voel. Ek geniet dit om elke leerder as 'n individu te leer ken en ondersteuning te bied wat by húlle pas.

Kwalifikasies

B.Sc. Aktuariële en Finansiële Wiskunde Universiteit van Pretoria

B.Sc. (Hons) Wiskundige Statistiek Universiteit van Pretoria

Nagraadse Onderwyssertifikaat (Senior Fase en VOO) UNISA

Die doel van die klasse

Begrip en toepassing, nie bloot memorisering nie.

01 Wiskundige konsepte beter verstaan

02 Selfvertroue in wiskunde bou

03 Probleemoplossingsvaardighede ontwikkel

04 Agterstande inhaal, of bestaande kennis versterk

Klasse

Twee maniere om saam te werk

Groepklasse

Weeklikse klasse op vaste dae tydens die skoolkwartaal.

4–5 leerders per groep
Groepe word volgens beskikbare tye saamgestel, nie streng volgens graad nie
Individuele beplanning vir elke leerder, selfs binne 'n groep
Gedifferensieerde werkkaarte en memo's
Persoonlike ondersteuning tydens elke les

Individuele lesse

Een-tot-een lesse, gereël volgens behoefte.

Geskik vir toets- en eksamenvoorbereiding
Of om aan 'n spesifieke probleemarea te werk
Nie 'n vaste weeklikse opsie nie

Fooie 2026

Eenvoudig, maandeliks, vooraf

Fooie vir groepklasse word volgens graadvlak bepaal: hoër grade vereis meer intensiewe voorbereiding, gevorderde inhoud en 'n sterker eksamenfokus.

Groepklasse word per maand bereken volgens die aantal klasse in daardie maand. U ontvang 'n faktuur per e-pos, en betaling voor die begin van die maand bevestig u kind se plek. Individuele lesse word ná die les gefaktureer.

Lees die terugbetalings- en kansellasiebeleid

Graad 8–10Groepklas, per leerder

R220 / uur

Graad 11–12Groepklas, per leerder

R250 / uur

Individuele lesEen-tot-een, volgens behoefte

R400 / les

Goed om te weet

Wiskunde is 'n proses, nie 'n kitskursus nie

'n A4-lêer, elke week

Elke leerder het 'n A4-lêer (hefboom- of ringlêer) nodig wat uitsluitlik vir ekstra wiskunde gebruik word. Alle werkkaarte, oefeninge en memo's word daarin geplaas, sodat vordering maklik bygehou word en niks verlore raak nie.

Bring skoolwerk saam

Leerders word aangemoedig om hul handboeke, notas en vraestelle saam te bring. Ekstra wiskunde is aanvullend tot skoolonderrig en vervang dit nie.

Hulp tussen lesse

Sukkel jy by die huis met 'n spesifieke probleem? Leerders is welkom om my te WhatsApp. Ek gee, waar moontlik, leiding, of ons pak dit in die volgende les aan.

Volgehoue inspanning wen

Gereelde bywoning, harde werk en oefening is noodsaaklik vir vordering. Begrip en selfvertroue word oor tyd opgebou. Met geduld en gereelde oefening sal sukses wel volg.

Kontak ons

Kom ons gesels oor u kind se wiskunde

Stuur gerus 'n WhatsApp of e-pos, dan laat weet ek u van beskikbare tye en groepe.

WhatsApp my E-pos my

WhatsApp of bel+27 67 000 2643

E-posme@elize-online.com

Klasse byMy huis, Pretoria-Oos

Eers begrip.Dan selfvertroue.